حساسية الصدر في الأطفال

February 15, 2017

 

شرح جميل ومبسط لحالة حساسية الصدر عند الأطفال

علشان نقول انها حساسيه صدر 😳😳 .. منحكمش عليها من اول ولا تاني مره
اول مره بنعتبرها 100% التهاب شعيبات هوائيه .....تاني مره نقول انها 80% التهاب شعيبات برده و20% انها حساسيه.....تالت مره جات للطفل دي نجزم انها حساسيه صدر 100% 😥😥.....خاصه ان في تاريخ ان اي حد في العيله عنده حساسيه وده شرط مهم ان يكون عنده حساسيه ومش شرط حساسيه صدر ممكن يكون حساسيه انف ،جلد،جيوب انفيه المهم ان يكون فيه تاريخ في العيله👍👍

طيب اول شرط انه جاتله تلات مرات وحد في عيلته عنده حساسيه

تاني حاجه ان الطفل ممكن يكون بيبدا بدور برد او اتعرض لتراب او برفيوم اوتدخين اوتغيير جو 😏😏......وقلب معاه بضيق في الصدر ....وكحه بخنقه مستمره ......خاصه ممكن يقوم عليها بليل او اول مايصحي من النوم ......ومممكن تبقي في الاول ناشفه وبعدين تنقل ببلغم .......وممكن احط ايدي علي صدره اسمع التزييقه 😭......وممكن لقدر الله تقلب بنهجان في الصدر او ان عضلات صدره تشتغل او ان الطفل بينت .....او لقدر الله انه يزرق 😂😂....ودي اصعب مرحله

المهم انا عرفت انه حساسيه صدر اعمل ايه ؟؟

طبعا لان الوقايه خيرا من العلاج 😉😉..........اقي الطفل ده ازاي ؟

اول حاجه امنعه عن الحاجات اللي اول مايتعرضلها تجيله الاتاك ........ايه هيا ؟ تراب مثلا .....برفيوم ممنوع تمام.......تدخين من باباه......تغيير جو .....انه ياخد شاور ويطلع مره واحده😀😀.....دور برد عادي اخاف انه يقلب ......يبقي احاول بقدر الامكان امنعه من التعرض للحاجات دي☺☺

تاني حاجه ولان معروف ان دور البرد ممكن يقلب مع مريض الحساسيه بالاتاك ............مهم اوي ادي مصل الانفلونزا علشان امنع البرد ده .........الفيروس فيه منه انواع كتير اذا هوا مش هيمنعه اوي هوا هيقلل منها😀..............مصل الانفلونزا موجود في السوق باسم ((الفاكسيجريب.....وده اشهرهم ورخيص الحقنه 0.5 ملي بيتاخد من6 شهور لتلات سنين نص الحقنه.....و من 3 سنين ل 9 الحقنه كلها ......وكلهم من 6 شهور ل 9 سنين يفضل اديها جرعتين بينهم شهر ........من 9 سنين فيما فوق الحقنه كامله مره واحده))

تالت وقايه.......اني للاسف كل دور برد لمريض الحساسيه هديله موسع شعب علشان مايقلبش معاه بالاتاك😔😔

رابع وقايه.........اني اديه حاجه تزود مناعه الجهاز التنفسي علشان مايجيلوش البرد اصلا .......موجود في السوق باسم برونكوفاكسوم وده اشهرهم

خامس حاجه للناس اللي بتجيلهم الاتاك كتير ادي حاجه interleukin antagonost.......ودي حاجه بتمنع المواد اللي بتعمل الحساسيه دي انها تشتغل زي ايه .😀😀..........موجود في السوق باسم سينجيولار،،كلير اير،،مونتيلوكاست،،كوكاست فيه منه 4,5,10مجم.......بيتاخد مره واحده مساءا.......شهور الشتا

اخر حاجه وقايه ودي للطفل اللي تقريبا بتجيله الاتاك مرتين تلاته في الاسبوع .......انه للاسف يستعمل بخاخه كورتيزون كوقايه

طيب احنا كده حاولنا بقدر الامكان نقي الطفل ده 🙅🙅🙅..........ومفيش فايده جاتله الاتاك........اعمل ايه ؟؟

والله الاتاك بدات وكالعاده روحت المستشفي ابدا اديله تلات جلسات فاركولين علي محلول ملح بين كل جلسه والتانيه ربع ساعه ....واسمع صدره بين الجلسات.......اتحسن خلاص.........طيب متحسنش 😥😥......ممكن اديله جلسه اتروفنت علي محلول ملح .....واسمع صدره برده .....اتحسن جدا .....خلاص اروحه 😀😀......وامشيه في البيت علي موسع شعب نوع واحد .......زي ايه .....احسن حاجه .....فينتولين شراب .....بلاش الامينوفيلين .....علشان بيهيج الطفل بليل 😂😂😂......مع علاج الاعراض لو فيه التهابات في زوره ادي علاجه ......

ومهم جدا اني لو اديتله حاجه للسخونيه بلاش اي حاجه تانيه غير الباراسيتامول لانها بتعمل brochospasm محترم

طيب متحسنش بعد الجلسات دي ....ممكن ادي جلسه باليميكورت مع محلول ملح ......اتحسن شويه😀..........امشيه في البيت علي نوعين موسع شعب يستحسن نوع لبوس مع نوع شرب

طيب الولد ماتحسنش خالص بعد الجلسات للاسف لازم يتحجز في المستشفي 😔😔😔.......ولان موسعات الشعب بتزود دقات القلب جدا ......بنفضل ندي بخاخه .....واستعمالها سهل جدا ......ومبيتعودش عليه زي مالناس بتقول😀😀😀وافضله بخاخه الفنتولين وانا عن نفسي بفضلها .........ويستحسن لو عندي نيبيوليزر في البيت بتفرق عن الجلسات اللي في المستشفي بان مبيكونش فيها اكسجين........بفضل ادي لمريض الحساسيه كورس كورتيزون شراب 5 ايام هتحسن من وضعه جدا......وممكن ادي الكورتيزون ده حقن لو الاتاك شديده......وممكن لو شديده اوي الجا لبخاخات الكورتيزون مع بخاخات موسع الشعب زي ماقولنا

 

 

Share on Facebook
Share on Twitter
Please reload

Featured Posts

مجموعة كورسات مجانية من الـ International Diabetes Federation

December 27, 2018

1/10
Please reload

Recent Posts
Please reload

  • Facebook Social Icon
  • YouTube Social  Icon
  • doctoon.insta

© Copyright 2020 by DocToon