كل ما تريد معرفته عن تطعيم الانفلونزا

January 8, 2017

 

تطعيم الانفلونزا :)

في نوعين منه

نوع اسمه vaxigrip وده الاشهر

ونوع تاني اسمه influvac

تطعيم الانفلونزا بنديه لمين ؟؟
بنديه للاطفال اللي عندهم حساسيه صدر او حساسيه انف لان اي دور انفلونزا ممكن يقلب بالاتاك ..
مين تاني للاطفال اللي عندهم امراض قلب معينه ..
ومين تاني للاطفال اللي عندهم نقص مناعه وبيجيلهم ادوار برد كتيره جدا..
او بديه كوقايه لطفلي فتره الشتا☺☺

طيب الحقنه دي اد ايه ؟؟
الحقنه دي 1/2 ملي السرنجه جاهزه

بنديه لاي عمر ؟
لا تحت 6 شهور مبنديش ....بنديها من اول 6 شهور لحد 60 سنه واكتر

طيب بندي اد ايه ؟
الطفل من 6 شهور لحد 3 سنين بندي نص الحقنه ...يعني ايه😳.....يعني ربع ملي بس☺
والطفل من 3 سنين فيما فوق بندي الحقنه كلها

طيب بنديها مره واحده في الموسم؟
علي حسب سنه ..
الطفل من 6 شهور لحد 9 سنين بندي جرعتين بين كل جرعه والتانيه شهر ..
فوق 9 سنين بندي جرعه واحده

طيب وبنديه مره واحده في العمر؟
لا بنديه بعد كده كل سنه بس جرعه واحده بعد كده لكل الاعمار

طيب ايه احسن وقت بندي فيه؟
أفضل وقت هوا موسم الانفلونزا ....اللي هما شهر 10 و11

طيب انا بديه ازاي؟
بديه عضل اما في عضله الكتف او عضله الفخذ الاماميه ☺☺

طيب ليه اثار جانبيه؟
بسيطه جدا ممكن الم مكان الحقنه ...او حراره بسيطه☺☺

طيب هوا فيه احتياطات معينه لتطعيم الانفلونزا ؟
اه .. الطفل اللي بياخد كورتيزون مينفعش اديه التطعيم لازم افرق حوالي شهر ...
الطفل اللي عنده حساسيه شديه من البيض برضه مايخدوش

طيب هو اي نوع من انواع التطعيم ؟
هو inactivated virus vaccine

 


 

Share on Facebook
Share on Twitter
Please reload

Featured Posts

مجموعة كورسات مجانية من الـ International Diabetes Federation

December 27, 2018

1/10
Please reload

Recent Posts
Please reload

  • Facebook Social Icon
  • YouTube Social  Icon
  • doctoon.insta

© Copyright 2020 by DocToon