المضادات الحيوية في الأطفال

February 26, 2017

 

المضادات الحيوية وسوء استخدامها في الأطفال

موضوع مهم جداً ومشكلة بيعاني منها كل من في المجال

المضاد الحيوي .....ملجأش للمضاد الحيوي في أي وقت مجرد مالطفل يسخن .. وده للاسف سبب المقاومه وعدم الاستجابه للمضادات لاني استخدمت المضاد في غير موضعه

طيب امتي استخدم مضاد ؟

والله لازم علي الاقل تلات شروط
اولاً ان الطفل همدان وكسلان بمعني ان نشاطه قل عن طبيعته.
ثانيا ان الطفل اكله قل ومالوش نفس للاكل
او ان الولد سخن لمده تلات ايام وبدي مسكنات ولسه سخن بعد التلات ايام
اما الطفل حديث الولاد بنقول انه عدي 24 ساعه سخونيه ومبيتحسنش مش بستني التلات ايام زي الطفل الكبير
او اعراض خاصه بكل سيستم زي مثلا وجود بلغم لونه اصفر اواخضر طول اليوم مش الصبح بس .. او مثلا الم في البطن شديد مش بيقل .. او مثلا ان الولد بيشد في ودنه جامد ومبينامش بليل

المهم انا عندي توفرت الشروط ومضطره ابتدي مضاد حيوي للاسف
طيب متوفوتش الشروط دي يبقي السبب غالبا فيروس وهيعد 72 ساعه ويروح لحاله

طيب انا مش قادره احدد وشاكه ياتري بكتريا ياتري فيروس تحليل بسيط وواحد بس هيعرفني وهوا CRP.....طلع عالي يبقي خلاص دي بكتريا بالثلث😅

الحقن ياجماعه مبلجأش ليها ابداً غير للحاجات الطارئه اللي هيا ايه ؟
التهاب رئوي...التهاب شعيبات شاكه انه قلب بكتريا.....تسمم بالدم....تدهور بحاله عاديه....بعد عمليه....هيا دي مثلا الحالات اللي الجا للحقن فيها

طيب حالات التهاب اللوز ....التهاب الاذن....الالتهاب الشعبي حتي التهاب الكلي كل ده ياجماعه مبيعتبرش من الطوارئ.....وانا ليه اشكشكه في التهاب لوز ......وادخله فيpsychic trauma

طيب خلاص الطفل عنده التهاب لوز مثلا والحاله مش طارئه حتي لو صديد فانا ممكن ادي شرب بس بشرط عشر ايام وده لو صديد

خلاص بدأت شرب مديش اي حاجه ناس كتير اوي بتكتب في التهاب اللوز سيفوتاكس وسيفترياكسون للاسف وده غلط لان السيفوتاكس 80% منه بياثر علي البكتريا السالبه و20% بياثر علي الموجبه ويقولك ده بيجيب ايفيكت هايل .....لان السبب اصلا انه بيبقي فيروس وبيخف لوحده......الصح اني لما اختار المضاد اشوف المضاد اللي يجيب مع نوع البكتريا اللي بتعمل التهاب للمكان ده......مثلا التهاب اللوز معظم البكتريا اللي بتسببها موجبه الجرام .....اديلها حاجه موجبه .....التهاب الكلي والنزلات المعويه سببها بكتريا سالبه الجرام .....التهاب الاذن نوعين البكتريا بتسببها فيستحسن ادي حاجه تنفع للاتنين بس 50% بالنص

طيب انا اخترت المضاد بتاعي صح.......لكل التهابات فتره علاج مينفعش اقل عن الفتره واقول الولد بقي كويس او ان الازازه خلصت......عادي اجيب ازازتين مش احسن مايحصله انتكاسه.......فيه رولز بتقول اني استمر بعد مالحراره تنزل باربع ايام .....وفيه رولز تانيه ان لكل نوع التهاب فتره علاج بالمضاد يعني مثلا التهاب اللوز اسبوع .....الالتهاب الرئوي عشر ايام.....التهاب الاذن والجيوب الانفيه والتيفود اسبوعين

طيب انا مشيت مظبوط جرعه مظبوطه والجرعه مهم اوي في الاطفال بلاش موضوع معلقه دي .......بالسم وندي ياجماعه بسرنجه علشان اعاير مظبوط😋.....طيب انا مثلا جبت العلاج ولظروف معنديش سرنجه والعلاج مش معاه معيار .....عامه المعلقه الكبيره 7.5 سم.....معلقه الشاي 3.5 سم

منحكمش علي المضاد انه ماجبش نتيجه لانه ببساطه تاثير المضاد الحيوي بيبدأ بعد 48 ساعه من وقت ما بدأت اخده

المهم اديت الجرعه مظبوطه ونوع المضاد مظبوط ومده المضاد مظبوطه ومتاكده من تشخيصي والولد مفيش استجابه .....ملجأش لنوع تاني زي ماناس كتير بتعمل وادخله برده في دايلمه المقاومه وعدم الاستجابه لاي مضاد بعد كده من كتر استخدامه.

طيب اعمل ايه ؟
ساعتها الجأ لمزرعه ودي شرط انه يكون موقف المضاد الحيوي من 48 ساعه ل 72ساعه....والشرط التاني انه يكون المعمل مضمون

والله لو التهاب كلي اعنل مزرعه في البول .....لو نزله معويه مزرعه في البراز
لو التهاب لوز مسحه من الزور ومزرعه علطول.....وهكذا

بلاش بلاش الحقن في حالات مش مستاهله كده كده هنكمل بشرب .....بندخل الولد في psychic trauma .....بلاش بلاش مضاد حيوي في حاله مش مستاهله حلات كتير عندنا 90% من اسبابها فيروس .....زي التهاب الشعيبات ...التهاب الحلق.....وغيرها....حتي الالتهاب الرئوي ممكن يكون سببه فيروس حتي الالتهاب السحائي ممكن يكون سببه فيروس بس دول حاجه تانيه دي حلات حجز

 

 

Share on Facebook
Share on Twitter
Please reload

Featured Posts

مجموعة كورسات مجانية من الـ International Diabetes Federation

December 27, 2018

1/10
Please reload

Recent Posts
Please reload

  • Facebook Social Icon
  • YouTube Social  Icon
  • doctoon.insta

© Copyright 2020 by DocToon