دليل الطالب في امتحان الـ MCQs

December 18, 2017

 

دليل الطالب في امتحان الـ MCQs :

 

1- أول ما تقعد في اللجنة وقرأت الدعاء .. فكر نفسك بحاجه مهمة "إنك هتقابل في الامتحان أسئلة مش عارفها" ده طبيعي .. تمهيدك لنفسك هيقلل توترك وقلقك أثناء الامتحان

 

2- قبل بداية الامتحان .. لو عندك معلومة ولا اتنين وخايف تنساها .. اكتبها

 

3- انك تعدي الأسئلة اللي مش عارفها وتسيبها للاخر "استراتيجية مش صح" في حل الـ MCQs لإنها بتستهلك وقت وبتزود توترك لإنك قلقان من الأسئلة اللي عديتها دي 
فالحل بدل ما تعديها .. إنك تحاول تحلها وتعلم على السؤال علامة بسيطة أو تحط نجمة جنبه بحيث إنك ترجعله تاني في الاخر "لو في وقت"

 

4- بلاش تقرأ الاختيارت قبل ما تقرأ رأس السؤال كويس جداً وتفهمه .. "إنك تقرأ الاختيارات قبل السؤال ممكن يفيد في الاسئلة البسيطة والمباشرة .. لكن مش مفيد خالص في الاسئلة اللي عايزه تحليل وتفكير"

 

5- بعد ما تقرأ رأس السؤال كويس وقف لحظة وابدأ عيد صياغته لنفسك مره تانية كإنك بتتكلم مع نفسك .. بمعنى قول على سبيل المثال "هنا حصل كذا وكذا وأنا بدور على كذا"

 

6- بعدها ابدأ فكر إيه ممكن تكون الإجابة للسؤال ده .. وشوف أنسب إختيار من الإختيارات يكون مناسب للإجابة اللي جت في بالك

 

7- لو ملقتش الإجابة اللي جت في بالك في الإختيارت .. ابدأ في عملية "الاستبعاد" للإجابات اللي متأكد إنها غلط .. وبعدها اقرأ رأس السؤال التاني مع الاختيارت اللي محتار فيها .. وخد قرار

 

8- لو في السؤال كلمات نفي زي (not أو except) لازم تقرأ السؤال مرتين علشان تفهمه صح .. وأضمن طريقة علشان تحل النوع ده من الأسئلة صح إنك تعلم على كل إختيار True or False وتفكر نفسك إنك بتدور على الاختيار الـ False

 

9- لو إنت من النوع اللي بيقرأ بسرعة وبتنسى كلمة أو كلمتين في النص .. خلي دايماً معاك قلم رصاص وعلم على الكلام اللي قرأته

 

10- لو في إختيارين شبه بعض أو تقريباً بيتكلموا عن نفس الحاجه .. غالباً الاختيارين غلط

 

11- أي إختيار لقيت فيه كلمة (always أو never أو all أو non) بنسبة كبيرة غلط .. لإن معظم الحاجات في حياتنا ليها exceptions

 

12- لو لقيت إختيارين عكس بعض تماماً أو نفس الجملة بإختلاف كلمة أو اتنين .. ركز فيهم كويس جداً لإن غالباً الاختيار الصح واحد منهم

 

13- بلاش تقلق من الإختيارت المزعجة زي (all of the above أو non of the above أو both B&C) امشي في عملية الاستبعاد عادي وبعدها فكر إيه اللي ممكن يكون ورا كلمة (all أو none) .. وحط في بالك إنها أحياناً بتكون صح وأحياناً بتكون سد فراغ مش أكتر

 

14- لو لقيت إختيارين ممكن يكونوا صح .. اقرأ كل واحد فيهم كويس وشوف لو واحد فيهم مغطي الإختيار التاني يبقى هو الصح "اختار الاختيار الأشمل"

 

15- بلاش تحل الامتحان و"نظرية المؤامرة" مسيطرة عليك .. مش لازم كل سؤال يبقى فيه تريكة وتتخيل إن الدكتور وهو بيكتبه كان الشر في عينه وعايز يوقعك 😈 .. فكر فيه بطريقة تانية وهي انه عايزك تفكر في الامور بطريقة تحليلية وتاخد بالك من التفاصيل الصغيره .. والحاجتين دول مهمين جداً في حياتك العملية بعد كده

 

16- بلاش علشان خاطري تغير إجابتك اللي اخترتها وانت بتراجع علشان حاسس إنها غلط .. الحالة الوحيدة اللي تغير فيها إجابتك إنك تلاقي كارثة في السؤال مكنتش واخد بالك منها

 

17- ليه تطلع قبل نهاية الوقت ؟؟ ليه ؟؟

 

أتمنى يكون الدليل مفيد واعمل mention لكل زمايلك

 

Share on Facebook
Share on Twitter
Please reload

Featured Posts

مجموعة كورسات مجانية من الـ International Diabetes Federation

December 27, 2018

1/10
Please reload

Recent Posts
Please reload

  • Facebook Social Icon
  • YouTube Social  Icon
  • doctoon.insta

© Copyright 2020 by DocToon