• Facebook Social Icon
  • YouTube Social  Icon
  • doctoon.insta

© Copyright 2020 by DocToon

5 نصائح "غريبة" للمذاكرة

January 7, 2018

 

1- حاول يكون المكان اللي بتذاكر فيه ريحته منعشة !!
ويفضل يكون نعناع لإنه منعش جداً وبيساعد على التركيز
(وممكن لمون بديل النعناع مفيش مشكلة)

 

2- لو ربنا كرمك وذاكرت مدة طويلة متواصلة .. حاول تلعبلك شوية رياضة نص ساعة وخد shower بعدها .. وارجع تاني لمكتبك راجع اللي ذاكرته هتلاقي نفسك عملت refresh لدماغك وعندك استعداد تذاكر وتستوعب أكتر

 

3- لو صاحي في يوم مخطط إنك هتقعد في البيت تذاكر ومش هتخرج .. بلاش تقعد تذاكر طول اليوم بلبس البيت .. مفيش مانع من انك تغير هدومك في النص وتسرح شعرك .. الكلام ده هيخليك تغير موود شوية وانت بتذاكر
(لكن لو كنت في الكلية الصبح وراجع تذاكر .. خليك في هدوم البيت واقعد براحتك 😀)

 

4- بعد مذاكرة كل chapter .. سجل لنفسك صوت كإنك بتشرح الموضوع اللي ذاكرته لشخص عمره ما سمع عن الموضوع .. الكلام ده هيفيدك في حاجتين
الأولى إن الكلام هيثبت في دماغك أكتر
التانية إنك ممكن تسمع التسجيلات دي كنوع من المراجعة قبل الامتحان

 

5- مش لازم كل مذاكرتك تكون على المكتب
لو عندك مكان فاضي مفروش سجاد .. افرش عليه كل الحاجات اللي هتذاكرها وهتستخدمها وذاكر على الأرض (الكلام ده ممكن تعمله كنوع من التغيير لما تكون زهقان)

بكرر تاني .. هي نصائح غريبة يمكن لكن هتجيب نتيجة ومفيش مانع من التجربة

 

من سلسلة التعليم للدكتور/ أحمد سمير

 

Share on Facebook
Share on Twitter
Please reload

Featured Posts

مجموعة كورسات مجانية من الـ International Diabetes Federation

December 27, 2018

1/10
Please reload

Recent Posts
Please reload