Featured Posts
Recent Posts

خطة مذاكرة IELTS لعام 2018 (كاملة باللينكات)


الخطة فيها كلام كتير أقرأها بالراحة مرة و اتنين و خد ملاحظات علشان هتفهم انت هتعمل ايه بالظبط

الخطة دي للناس العايزة تجيب 7 او اكتر و ان شاء الله لو التزمت هتجبها بسهولة

الايلتس بيختبر مهاراتك في اللغة الانجليزية بس علشان تذاكر الخطة لازم يكون مستواك في اللغة متوسط بجد ، لو بدأت الخطة ولاقيت نفسك مش فاهم حاجة يبقي مستواك تحت المتوسط.

StartFragmentملحوظة بس :

ركز في الخطة و انسي اي حاجة تانية عن الايلتس مش ينفع يبقي عندك كتب و كورسات كتير و تشتت نفسك مش هتوصل لاي نتيجة ولا هتذاكر.

كل الكورسات دي تم رفعها قبل كدا ، لكن انهاردة هنتكلم عن الخطة و ازاي تذاكر و امتي

(محتاج 3-4 ساعات يوميا علي حسب قدراتك و استيعابك ممكن تخلصها اسرع او اكتر)

ملحوظة تانية : لو واجهتك أي مشكلة في التحميل من أي لينك في الخطة

ادخل هنا علشان تعرف طريقة التحميل

أول حاجة هتعملها

هتنزل كتب كامبريدج 1 الي 13 كتاب رقم 1

اضغط هنا كتاب رقم 2 اضغط هنا كتاب رقم 3 اضغط هنا

كتاب رقم 4

اضغط هنا

كتاب رقم 5

اضغط هنا

كتاب رقم 6

اضغط هنا

كتاب رقم 7

اضغط هنا

كتاب رقم 8

اضغط هنا

كتاب رقم 9

اضغط هنا

كتاب رقم 10

اضغط هنا

كتاب رقم 11

اضغط هنا

كتاب رقم 12

اضغط هنا

كتاب رقم 13

اضغط هنا

StartFragmentوفيه كورسين للكلمات المهمة للايلتس IELTS Vocabulary- Learn 300 Essential Words for IELTS

تتفرج عليه من هنا

IELTS Vocabulary Booster – 9 topics covered in one course

تتفرج عليه من هنا

EndFragment

EndFragment

StartFragment

StartFragmentدلوقتي هتعمل الاتي في شهر كامل

هتتفرج علي اول 3 فيديوهات في كورس ال 300 كلمة الضرورية للايلتس و بعدين هتبدأ في القراءة

هتقرأ قطع القراءة من الكتب (امشي بترتيب قطع القراءة في الكتب) و هتذاكر الفيديوهات في نفس الوقت علشان الكلمات و المرادفات اساس امتحان الايلتس

(لما بقول تقرأ اقصد تقرأ و تفهم و تترجم كل كلمة جديدة مش فاهمها و كل تعبير وخصوصا ال collocations تفهم معناها و هتحتاج قاموس انجليزي انجليزي علشان تفهم معني ال collocations و هتكلم عن القواميس في اخر الخطة)

هتاخد كل يوم قطعة قراءة و 3 فيديوهات Book 1 Practice Test 1 Reading Passage 1 3 videos

هتكون في خلال اسبوعين خلصت 15 قطعة قراءة و كورس ال 300 كلمة

المهم انك تفهم بتقرأ ايه و معاني الكلمات كلها و مشتقتها ، الموضوع فعلا محتاج مستوي متوسط علشان تكون فاهم بتعمل ايه.

كورس ال vocabulary booster هتخلصه في يوم كمراجعة

ملحوظة :

مذاكرة كلمات الفيديوهات يعني هتفتح القواميس و تشوف استخدام الكلمات في الجمل و تفهم الفيديو بيتكلم عن الكلمة و مشتقاتها و تشوف التعبيرات معاها و تستخدمها.

باقي الشهر (حوالي اسبوعين) هتاخد فيهم هتخلص الكتاب المسموع اسمه Prime Suspect

هتنزله من هنا

StartFragmentبالطريقة دي 1- هتسمع الكتاب الاول مرتين 2- هتقرأ الكتاب و تترجم كل الكلمات الجديدة و متخفش الكتاب صغير اوي مش كبير 3- هتفتح الملف الصوتي و انت بتقرأ الكتاب بعينك مرتين

في نفس الوقت هتاخد كل يوم كام كلمة من كورس ال 300 كلمة و تنطق الجمل عليهم من قاموس اكسفورد و دا رابط القاموس EndFragment

StartFragment

بكدا انت دلوقتي في شهر عرفت كلمات كتير و قرأت كتاب و استخدمت الكلمات كمان و بدات تطور مهارة الاستماع عندك بشكل كويس سواء مع الكتاب المسموع او بجمل قاموس اكسفورد.

دلوقتي انت محتاج نظرة عامة و شاملة عن الايلتس و اسلوب الامتحان علشان تعرف تفكر صح من البداية

عايز تشوف كورس الايلتس 7 كامل وهو 24 ساعة يعني لو كل يوم اربع ساعات هتخلصه في حوالي اسبوع

الكورس مناسب جدا للناس في المستوي المتوسط و العايزين درجة 7 في الامتحان او اكتر طبعا علي حسب شغلهم. محتاج معاه بس كتاب Cambridge IELTS 7

الفيديوهات بتشرح كل شيء فعلا ، مفيش اجمل ولا احلي من كدا.

بيقولك ايه المطلوب منك و بيشرح جميع انواع الاسئلة و بيحل معاك كمان.

ممكن تتفرج عليهم من هنا :

Reading Listening Speaking Writing Task 1 Writing Task 2

كدا فاضل في الشهر التاني 3 اسابيع

مهم اوي تاخد بالك من اسلوب الحل و ملاحظات المدرب لان الايلتس له طريقة في الحل زي ما هتشوف ، مثلا في القراءة مش بتقرأ بهدف انك تفهم زي ما عملت في اول شهر ولكن كان لازم تعمل كدا في اول شهر علشان تاخد مهارة القراءة نفسها و تعرف كلمات كتير و تفهم الانجليزي اكتر.

عندك دلوقتي 15 اسبوع باقيين

و خلي بالك بتذاكر كل يوم اربع ساعات

المطلوب منك دلوقتي في اسبوع واحد تخلص كتابين صغيرين Tenses for Speaking Correct your English

الكتب دي مهمة اوي و هتساعدك كتير في الايلتس و في الانجليزي بشكل عام ، هتخلصهم في اسبوع لان المفروض مستواك متوسط و عارف اغلب المعلومات دي ، معاهم لازم تنطق مع قاموس اكسفورد كل يوم خمسين جملة (بتكتب اي كلمة في القاموس و هتلاقي معاهم جمل كتير مخزنة)

فاضل كدا 14 اسبوع

دلوقتي عايزك في اسبوع تتفرج و تذاكر الكورس دi مجرد فيديوهات كويس جدا و تكتب ملاحظات دايما كانك في محاضرة و تاخد بالك من تكوين الجمل و الفقرات و المقال في كورس الكتابة.

كورس الكتابة

مع الكتاب ده مهم جداً في التدريب على المواضيع اللي بتيجي في الـ Speaking

خلي بالك الكورس دi لازم هتتفرج عليه مرتين في الاسبوع و هيكفي الوقت لانهم صغيرين. كدا معانا 13 اسبوع لسا ، هتبدأ تدرب علي الامتحان و انت كدا مستعد ان شاء الله.

غالبا كدا انت معاك في كل مهارة 3 اسابيع

و دا وقت كافي خصوصا كورس الايلتس 7 الكامل بيناقش كل شيء بس المرة دي انت هتمشي وراه في التدريبات خطوة بخطوة و كل لما تتعلم اسلوب في الحل هتفتح الكتب و خصوصا كامبريدج 10 و 11 و تطبق اسلوب الحل نفسه زي ما شوفته في الفيديو علي امتحانات تانية فيها نفس التمرين.

يعني هتمشي ورا الكورس خطوة بخطوة في جزء القراءة و الاستماع و الكتابة ولكن في التحدث افضل تستخدم الكورس السابق و هو Get 7-9 in IELTS Speaking

هتذاكر مهارة كل يوم و ابدأ بالقراءة يليها الاستماع يليها التحدث ثم الكتابة و عيد الموضوع تاني. القراءة عدد الفيديوهات 45 الاستماع 24 الكتابة 47 دول من كورس الايلتس الكامل اللي هو 24 ساعة ، و هتاخد التحدث زي ما قلت لوحده من الكورس المنفصل في الفترة دي.

هتاخد كل يوم مهارة يعني

القراءة 45 فيديو هتشوف المقدمة و الحاجات البسيطة دي و تدخل علي الموضوع نفسه لما تتعلم اسلوب تفتح اي كتاب و تدور علي امتحان فيه نوع الاسئلة دي و تعمله و تشوف الصح ايه و هكذا في الاربع ساعات ، هتاخد كل يوم 3 فيديو و هيبقي يومين قراءة في الاسبوع غالبا

الاستماع 24 فيديو ولكن دي حاجة مهمة جدا تدرب عليها ، في البداية ممكن تبدأ بالحل و لو لاقيت نفسك بتجيب درجات عالية تمام و ربنا يوفقك ولكن لو لاقيت انك مش فاهم حاجة يبقي لازم تقرأ الكلام و انت بتسمع الملف الصوتي و هتلاقي دا في اخر الكتاب تحت Audioscripts

الكتابة بقي مشكلة لناس كتير ولكن الكورست دي المفروض انها تخليك كويس فيها بس مهم اوي تقرأ الاجابات بتاعت الامتحانات في اخر الكتاب وتشوف طريقة الكتابة و مفيش مانع تفتح الفيديوهات تاني و تقارن الاجابة مع الكورسات علشان تفهم اكتر.

في حاجة مهمة هتلاقي في اخر الكتب لجزء الكتابة جايبلك اجابة مثلا لواحد اخد 5 في الكتابة و بعدين اجابة مثالية و هكذا ، انت محتاج تقارن الاتنين و تشوف ليه جاب درجة وحشة. مفيش مانع انك تحلل الاجابة المثالية و تقارنها بالفيديوهات في الكورسات و الطريقة دي قوية جدا ممكن تخليك تجيب 8 ، و طبعا لازم تكتب انت كمان لان التمرين هو اساس الايلتس.

الكورسات دي احسن كورسات ايلتس ممكن تلاقيها في اي مكان و اهم شيء انك مش تتفرج علي الفيديو كدا دا مش فيلم ، لازم تاخد ملاحظات و تتفرج علي الفيديو اكتر من مرة و زي ما قلت انت هتطبق الموضوع بالمذاكرة ان شاء الله و بالتوفيق.

EndFragment

EndFragment

  • Facebook Social Icon
  • YouTube Social  Icon
  • doctoon.insta

© Copyright 2020 by DocToon