خطة مذاكرة TOEFL لعام 2017

التويفل امتحان دولي في اللغة الانجليزية معترف به في الجامعات و بيطلب للمنح و ممكن اي شخص عايز يثبت انه بيعرف انجليزي كويس جدا ياخده بدل من شهادات حضور الدورات التي ليس لها قيمة على الاطلاق ، يعني التويفل علي سيرتك الذاتية له وزنه بلا شك.

أولا القاموس :

أحسن قاموس انجليزي انجليزي سواء كنت لسا مبتدأ او انت خلاص محترف ، لا غني عنهEndFragment

خطوات التحميل :

1- نزل الملف الاول حجمه 2.8 جيجا و للويندوز بس لينك الملف

2- محتاج برنامج معين يقدر يفتح ملف القاموس ده لانه في شكل اسطوانة مش ملف عادي ، بفضل البرنامج ده لينك البرنامج 3- اضغط علي ملف القاموس right click و هتلاقي اختيار في القائمة Mount و جنبها كلام تاني كدا ، اختارها و هتلاقي القاموس فتح كانك دخلت الاسطوانة في مشغل الاقراص

4- هيطلعلك قائمة اختار منها Setup.exe و بعدين Next 5- اهم شيء انك تحمل كل ملفات القاموس علي الهارد ديسك علشان الملفات الصوتية كلها تشتغل ، بعد لما تعمل I Agree علي الاتفاقية في النافذة التالية اختار Full بدل Recommended علشان تحمله كله علي الهارد

6- لو طلعت نافذة تانية خارج التحميل اضغط علي No علشان يكمل تثبيت

7- اضغط علي Finish و بعدين هيسألك عايز تفتح القاموس اختار No

8- روح علي Computer هتلاقي ان القاموس كانه في مشغل الاقراص افتحه و هتلاقي فولدر اسمه NoCD NoDVD Crack

9- افتح الفولدر هتلاقي ملف واحد ، right click علي الملف و بعدين Copy

10- روح الي C:\Program Files (x86)\Longman\LDOCE5 وده مكان ملفات القاموس أو عموما هتلاقي فولدر القاموس جوا الـ Program Files

لما توصل لفولدر القاموس محتاج تروح لاي مكان فاضي و تعمل right click وبعدين تختار Paste و هيطلعلك نافذة اختار منها Copy and Replace ممكن تلاقي اختيار اخر Overwrite بدل من Copy and Replace

11- تم بحمد الله كده القاموس هيشتغل معاك

---

دلوقتي هتبدأ ببناء القاعدة الاساسية لباقي المهارات و هي الجرامر ، ولكن خلي بالك انك هتتمرن علي النطق بالقاموس زي ما قولت فوق. في سلسلة كتب للجرامر جميلة و فيها 3 مستويات

Progress in English Grammar 1 Progress in English Grammar 2 Progress in English Grammar 3

لينك التحميل

هتاخد الكتب دي بالترتيب بتاعهم و دي كتب صغيرة ، لاحظ انك كل كلمة مش عارف معناها هتترجمها في قاموس انجليزي عربي الاول (زي قاموس صخر) و تنطقها في قاموس لونجمان.

---

دلوقتي ممكن تبدأ مذاكرة للتويفل

أول كتاب هو كتاب كامل فيه الاربع مهارات و معاه كل الملفات الصوتية و اجابات الاسئلة و حتي اسطوانة التدريب علي الامتحانات (فيها اربع امتحانات كاملة) The Complete Guide to the Toefl Test - IBT Edition

لينك التحميل

ذاكر كل الكتاب ، اتعود تسمع الملفات الصوتية مرة و اتنين ولا تلاتة عادي مفيش مشكلة ، و لما تخلصه ابدأ في اسطوانة الامتحانات و اتدرب ، ترجم كل كلمة متعرفاش و اسمع الاجزاء اكتر من مرة و هكذا. ولازم تتعود انك تقرا بصوت ، اوعي تذاكر و انت مش بتتكلم علشان تتعود تتكلم انجليزي.

---

الكتاب دا رائع و هو فيه 500 كلمة و تعبير مخصوص للتويفل و فعلا لا غني عنه 500 Words, Phrases and Idioms for the TOEFL iBT Plus Typing Strategies

لينك التحميل

لازم تستمر في نطق الجمل في القاموس ، استخدم الكتاب دا علشان تقوي حصيلة كلماتك.

---

دايما الناس عندها مشكلة في الكتابة ، ولكن مع الكتاب دا الموضوع محلول فعلا

Writing for the TOEFL iBT

لينك التحميل

المفروض انك بتذاكر وقت كامل لو عايز تخلص الخطة دي في 6 شهور و مستواك "مبتدأ" ولكن بتعرف شوية حاجات بسيطة من الدراسة يعني ، فاهم يعني ايه I'm happy مثلا :D

---

محتاج كتاب اخر عن الكتابة و التحدث فعلا و انا شخصيا بحب الكتاب دا (معاه الملفات الصوتية) Speaking and Writing Strategies for the TOEFL iBT

لينك التحميل

لو مفيش وقت يبقي خد الكتاب دا و بلاش الكتاب السابق

---

دلوقتي كل الباقي انك تحل امتحانات اكتر و دول اسطوانتين عليهم 8 امتحانات

لينك الاسطوانة الأولى

لينك الاسطوانة التانية

خلي بالك الموضوع مش انك تجاوب بس ، انت محتاج تعرف الكلمات الجديدة و اي تعبير جديد عليك ، محتاج تتعود تسمع صح و هتلاقي طبعا النص بتاع جزء ال listening موجود ، يعني اسمع مرة و اتنين من غيره وبعدين افتحه و اسمع كمان مرتين و انت بتنظر علي النص. دايما اقرأ بصوت علشان تتعود علي الكلام بالانجليزي.

---

لو نفذت الخطة و ركزت فيها هتدخل تجيب فوق ال 100 ان شاء الله ، و طبعا اسلوب مذاكرتك بيفرق ، في ناس بتخلص الكتاب في اسبوع و فيه ناس بتركز و تجتهد و تخلصه في شهرين بس بتطلع مستواها رائع .. بالتوفيق للجميع

---

شاهد أيضاً .. خطة مذاكرة IELTS لعام 2017

EndFragment